👋🏽 ഹലോ

Read in English

കുമ്മാട്ടി വരുന്ന ഇടങ്ങളിൽ ആടിയും പാടിയും എല്ലാവരെയും കയ്യിലെടുക്കും, ജാലവിദ്യ കാണിക്കും വേണമെങ്കിൽ കുട്ടിയെ പട്ടിയാക്കും. സിനിമയും ഒരു കുമ്മാട്ടിയാണ്.

ഈ അരാജകനായ അവധൂതനെ സിനിമ പ്രൊ‍‍‍ജക്റ്റുചെയ്യാൻ നാടായ നാടു മുഴുവൻ അലഞ്ഞ പ്രൊ‍ജക്ഷനിസ്റ്റുകളിലും കോയ്ത്തുകഴിഞ്ഞ വയലിൽ സ്റ്റേജുകെട്ടിയാടുന്ന നാടകക്കാരനിലും കാണാം.

പലർക്കും പലപ്പോഴായി സിനിമയും നാടകവും കാണാൻ ശുപാർശ ചെയ്യുകയും ശേഷം ഫോണിലൂടെ മണിക്കൂറുകൾ ചർച്ച ചെയ്യുകയും ചെയ്തിരുന്നതു് കുറച്ചുകൂടി വിപുലമാക്കുക എന്ന ദുരുദ്ദേശമേ ഉള്ളൂ.

സിനിമാ, നാടകം, ഗാനങ്ങൾ, സിനിമയുമായി ബന്ധപ്പെട്ട പുസ്തകങ്ങൾ എന്നിവയെക്കുറിച്ചുള്ള ചർച്ചകൾ ടെലിഗ്രാം ഗ്രൂപ്പിൽ നടക്കും. അവ ഉപസംഹരിച്ചുകൊണ്ടു് എഴുതുന്ന കുറിപ്പുകൾ ഇവിടെ കാണാം.

ഈ നൂറ്റാണ്ടിന്റെ കലയാണു് സിനിമ. സിനിമയുടെ സാധ്യതകളെ ഏറ്റവുമധികം തിരിച്ചറിഞ്ഞിട്ടുള്ളതു് ഒരു പക്ഷേ പ്രതിലോമ ശക്തികളായിരിക്കും. അതിന്റെ ചരിത്രം ബർത്ത് ഓഫ് എ നേഷൻ എന്ന സിനിമയിൽ തുടങ്ങി നാസി വംശഹത്യയ്ക്കു് പോതുസ്വീകാര്യതയുണ്ടാക്കിയ ലെനി റീഫൻസ്റ്റാലിന്റെ സിനിമകളിലും, 2024ലെ ഇലക്ഷനെ സ്വാധീനിക്കാൻ ഇറങ്ങിയിട്ടുള്ള അസംഖ്യം സിനിമകളിലെത്തി നിൽക്കുന്നു.

സിനിമയെ പഠിക്കുമ്പോൾ സിനിമയുടെ രസതന്ത്രം മാത്രമല്ല, സമൂഹത്തിന്റെ പരിഛേദം കൂടിയാണ് വായിച്ചെടുക്കാനാകുക. സംരക്ഷണക്ഷമതയാണു് നാടകമടക്കമുള്ള മറ്റുകലകളിൽ നിന്നും സിനിമയെ വ്യത്യസ്ഥമാക്കുന്ന മറ്റോരു ഘടകം.

താല്പര്യമെങ്കിൽ ഗ്രൂപ്പിലെ ചർച്ചകളിൽ നിർബ്ബന്ധമായും പങ്കെടുക്കാൻ ക്ഷണിക്കുന്നു.

ഒരു പരീക്ഷണം എന്ന നിലയ്ക്കു് ആഴ്ചയിൽ ഒരു സിനിമ അല്ലെങ്കിൽ നാടകം ചർച്ച ചെയ്യാം.

സ്നേഹം, ജോയ്സ്.